Өдөр тутмын Бурханы үг “Бурханыг мэдэх нь Бурханаас эмээж, муугаас зайлах зам юм” (Эшлэл 1)

Та нар бүгд, Бурханыг гэсэн эрэл хайгуулдаа, Бурханыг үнэхээр ойлгож, үнэхээр ухаарч, үнэхээр мэдэж авсан эсэхээ, олон янзын хүмүүст Бурхан ямар хандлага баримталдгийг үнэхээр мэддэг эсэхээ, мөн Бурхан чам дээр юу хийж байгааг болон үйлдэл бүрийг чинь Бурхан хэрхэн тодорхойлдгийг үнэхээр ойлгож байгаа эсэхээ харахын тулд Бурханд итгэх өөрийн амьдралыг шинээр шинжлэн шалгах ёстой. Чиний хажууд байгаа энэ Бурхан нь чиний ахиц дэвшлийн чиглэлийг удирдаж, чиний хувь заяаг захирч, чиний хэрэгцээг хангадаг энэ Бурхан, чи Түүнийг хэр их ойлгож, Түүний талаар хэр ихийг үнэхээр мэдэж байна вэ? Тэр өдөр бүр чам дээр ажилладгийг чи мэдэх үү? Түүний үйлдэл бүр ямар зарчим, зорилгууд дээр үндэслэдгийг чи мэдэх үү? Тэр чамайг хэрхэн удирдан чиглүүлдгийг чи мэдэх үү? Чамайг хангадаг Түүний арга барилыг чи мэдэх үү? Чамайг удирддаг Түүний арга замыг чи мэдэх үү? Тэр чамаас юу авахыг хүсдэгийг болон Тэр чамд юуг гүйцэтгэхийг хүсдэгийг чи мэдэх үү? Чиний гаргаж байгаа олон төрлийн аашинд Тэр ямар хандлага баримталдгийг чи мэдэх үү? Чи Түүний хайртай хүн мөн эсэхээ мэдэх үү? Түүний баяр баясгалан, уур уцаар, уй гуниг, баяр хөөр, тэдгээрийн ард байдаг бодол, санаа болон Түүний мөн чанарын талаар чи мэдэх үү? Эцсийн эцэст чиний итгэдэг энэ Бурхан нь ямар Бурхан бэ гэдгийг чи мэдэх үү? Эдгээр асуултууд нь чиний хэзээ ч ойлгож эсвэл бодож байгаагүй зүйлс үү? Бурханд итгэх итгэлийнхээ араас явах үедээ чи бодит ойлголт болон Бурханы үгийн дадлага туршлагаараа дамжуулан Түүний талаарх өөрийн буруу ойлголтыг арилгасан уу? Бурханы сахилгажуулалт болон цээрлүүлэлтийг хүртсэнийхээ дараа чи жинхэнээсээ захирагдаж, анхаарал тавьж эхэлсэн үү? Бурханы гэсгээлт болон шүүлтийн дунд чи, хүний тэрслүү байдал болон сатаны уг чанарыг танин мэдэж, Бурханы ариун байдлын талаар тун бага ойлголтыг олж авсан уу? Бурханы үгийн удирдамж болон гэгээрлийн дор чи амьдралыг шинээр харж эхэлсэн үү? Бурханы илгээсэн шалгалтын дунд чи, хүний зөрчлийг Тэр тэвчихгүй байгааг, түүнчлэн Тэр чамаас юу шаарддагийг болон Тэр чамайг хэрхэн аварч буйг мэдэрсэн үү? Хэрвээ чи, Бурханыг буруугаар ойлгох нь юу болохыг эсвэл энэ буруу ойлголтыг хэрхэн арилгахыг мэдэхгүй бол чи хэзээ ч Бурхантай ярилцах жинхэнэ харилцаанд ороогүй ба хэзээ ч Бурханыг ойлгож байгаагүй гэж хэлж болох бөгөөд эсвэл чи хэзээ ч Түүнийг ойлгохыг хүсээгүй гэдгийг хүн ядаж хэлж чадна. Хэрвээ чи Бурханы сахилгажуулалт цээрлүүлэлт юу вэ гэдгийг мэдэхгүй бол чи захирагдах болон анхаарал тавих гэдэг нь юу вэ гэдгийг гарцаагүй мэдэхгүй, эсвэл хамгийн наад зах нь чи хэзээ ч Бурханд үнэхээр захирагдаж эсвэл анхаарал тавьж байгаагүй байна. Хэрвээ чи Бурханы гэсгээлт, шүүлтийг хэзээ ч туулж байгаагүй бол Түүний ариун байдлыг чи гарцаагүй мэдэхгүй бөгөөд хүний тэрслүү байдал юу болох талаар чи бүр ч багыг мэдэх болно. Хэрэв чамд амьдралыг үзэх зөв үзэл эсвэл амьдралын зөв зорилго хэзээ ч байгаагүй, харин чи урагшаа явахаас ч эргэлзэх хүртэл хэмжээнд өөрийн амьдралын ирээдүйн замын талаар будилж, тээнэгэлзсэн байдалтай байсаар байгаа бол чи Бурханы гэгээрэл, удирдамжийг хэзээ ч үнэхээр авч байгаагүй гэдэг нь илэрхий бөгөөд мөн түүнчлэн чи хэзээ ч Бурханы үгээр хангагдаж эсвэл дүүргэгдэж байгаагүй гэдгийг хүн хэлж чадна. Хэрэв чи Бурханы шалгалтыг хараахан туулаагүй бол хүний зөрчлийг Бурхан тэвчдэггүй нь юу болохыг гарцаагүй мэдэж чадахгүй, мөн Бурхан чамаас эцсийн эцэст юу шаардаж байгааг ойлгохгүй, тэр ч бүү хэл хүнийг удирдаж, аврах Түүний ажил юу болохыг ойлгохгүй гэдэг нь харваас илт байх юм. Хүн Бурханд хэчнээн олон жил итгэсэн байх нь хамаагүй, хэрвээ тэр Бурханы үгнээс хэзээ ч, юуг ч мэдрээгүй эсвэл ойлгоогүй бол тэр авралын зам руу мэдээж алхаагүй, Бурханд итгэх түүний итгэл мэдээж ямар ч утгагүй, Бурханы талаарх түүний мэдлэг мэдээж хоосон бөгөөд Бурханыг хүндлэх нь юу болох талаар тэр юу ч мэдэхгүй гэдэг нь илт юм. 

“Үг нь махбодоор илэрсэн” номоос эш татав

Сайн мэдээний магтан дуу “Бурхан шүүлтээр бууж ирнэ” (Эрэгтэй гоцлол дуу)

|

Сайн мэдээний магтан дуу “Бурхан шүүлтээр бууж ирнэ” (Эрэгтэй гоцлол дуу)
Агуу улаан луугийн үндэстэн рүү бууж ирэх үед
Бурхан царайгаа орчлон руу эргүүлэхэд
дэлхий чичирдэг.
Түүний шүүлттэй нүүр тулахгүй байх газар бий гэж үү?
Эсвэл Түүний буулгасан гамшиг дор амьдрах уу?
Тэр явсан газар бүртээ гамшгийн үрийг цацсан,
гэвч үүгээрээ Тэр авралыг өгч, Өөрийн хайрыг харуулна.

Бурхан илүү олон хүнд Өөрийгөө таниулж,
харуулж, хүндлүүлэхийг хүсдэг.
Хүмүүс Түүнийг маш удаан хараагүй ч Тэр үнэхээр бодитой.
Бурхан илүү олон хүнд Өөрийгөө таниулж,
харуулж, хүндлүүлэхийг хүсдэг.
Хүмүүс Түүнийг маш удаан хараагүй ч Тэр үнэхээр бодитой,
Тэр үнэхээр бодитой.
“Хургыг дагаж шинэ дуу дуулъя” номоос

Magtan duu 2019 MV “Хоёргүй сэтгэлээр Бурханыг магтаарай” дуу бүжиг (lyrics)

Magtan duu 2019 MV “Хоёргүй сэтгэлээр Бурханыг магтаарай” дуу бүжиг (lyrics)

Бид Бурханыг бодож, залбиран уншиж, нөхөрлөдөг,

бид бясалган тунгааж, Бурханыг эрэн хайдаг.

Бурханы үгэнд амьдарч, хайр татам байдлыг нь хардаг.

Үнэн биднийг чөлөөлж, бид Бурханы жинхэнэ хайрыг амсдаг.

Чуулганы амьдрал гайхалтай, магтаал олон төрөлтэй.

Бид Бурханыг магтан дуулж, бүжиглэхгүй байх аргагүй.

Магтаалд маань ямар ч дүрэм, хязгаарлалт үгүй.

Жинхэнэ магтаал биднийг үргэлж баяр хөөртэй болгодог.

Бурханы өмнөх амьдрал жинхэнэ аз жаргал авчирдаг.

Бид Бурханыг мөнхөд хайрлан дуулгавартай дагана.

Бурханы авралын агуу байдлыг хараад

бид Бурханыг хоёргүй сэтгэлээр магтдаг.

БИЕ МАХБОДТОЙ БОЛСОН БУРХАНЫ ҮЙЛЧЛЭЛ БА ХҮНИЙ ҮҮРГИЙН ХООРОНДОХ ЯЛГАА

　　Та нар Бурханы ажлын үзэгдлийг мэдэж авч, Түүний ажлын ерөнхий чиглэлийг ухаарах ёстой. Энэ нь эерэг байдлаар орох явдал юм. Та нар үзэгдлийн үнэнийг яг таг эзэмшчихвэл оролт чинь найдвартай байна; Түүний ажил яаж өөрчлөгдөх нь хамаагүй, чи зүрх сэтгэлдээ гуйвшгүй зогсож, үзэгдлийн талаар тодорхой мэдэж байх ба оролт болоод эрэл хайгуул чинь зорилготой болох болно. Ийм байдлаар, чиний доторх бүхий л туршлага, мэдлэг илүү гүнзгийрч, улам нарийсна. Нэгэнт чи ерөнхий чиг хандлагыг бүхэлд нь ойлгосон бол амь чинь хохирол амсахгүй ба чи төөрөлдөхгүй. Хэрвээ чи ажлын эдгээр алхмыг мэдэж авахгүй бол тэр болгонд хохирол амсах болно. Чи хэдхэн өдрийн дотор өөрчлөгдөж чадахгүй ба хэдхэн долоо хоногийн дотор зөв замд орох чадваргүй байх болно. Энэ нь цагийг чинь алдуулахгүй гэж үү? Эерэг байдлаар орох оролт их байдаг ба тийм дадлуудыг та нар эзэмших ёстой, иймээс чи бас Түүний байлдан дагуулах ажлын ач холбогдол, ирээдүйд төгс төгөлдөр болгуулах зам, шалгалт, гай зовлон туулснаар юунд хүрэх ёстой, шүүлт, гэсгээлтийн утга учир, Ариун Сүнсний ажлын зарчмууд болон төгс болгох, байлдан дагуулах зарчмууд гэх мэт Түүний ажлын үзэгдлийн тухай хэд хэдэн гол зүйлийг ухаарах ёстой. Эдгээр нь бүгд үзэгдлийн тухай үнэн юм. Үлдсэн нь Хуулийн эрин үе, Нигүүлслийн эрин үе, Хаанчлалын эрин үеийн ажлын гурван үе шат, мөн түүнчлэн ирээдүйн гэрчлэл билээ. Эдгээр нь ч гэсэн үзэгдэлд хамаарах үнэн бөгөөд хамгийн гол, хамгийн чухал нь юм. Одоо та нарын хэрэгжүүлж, орох ёстой зүйл хэтэрхий их байдаг ба энэ нь одоо илүү олон давхаргатай, илүү дэлгэрэнгүй байдаг. Хэрвээ чамд эдгээр үнэний талаарх мэдлэг байхгүй бол энэ нь хараахан ороогүй байгаагийн чинь баталгаа юм. Ихэнхдээ, үнэний талаарх хүний мэдлэг хэтэрхий өнгөц байдаг; хүн зарим энгийн үнэнийг хэрэгжүүлэх чадваргүй байдаг ба бүр өчүүхэн асуудлуудыг ч хэрхэн шийдвэрлэхээ мэддэггүй. Хүн үнэнийг хэрэгжүүлж чаддаггүйн шалтгаан нь түүний тэрслүү зан чанараас болдог, мөн өнөөдрийн ажлын талаарх мэдлэг нь хэтэрхий өнгөц, өрөөсгөл байдгаас болдог. Тиймээс, хүний хувьд төгс болгуулна гэдэг тийм ч амархан ажил биш. Чиний тэрслүү байдал хэтэрхий их бөгөөд чи хуучнаа хэтэрхий их баримталдаг; үнэний талд зогсох чадваргүй ба хамгийн илэрхий үнэнийг ч хэрэгжүүлэх чадваргүй. Ийм хүмүүс аврагдаж чадахгүй бөгөөд байлдан дагуулагдаагүй хүмүүс байдаг. Хэрвээ чиний оролт нарийвчлалгүй, бас зорилгогүй бол өсөлт чинь удаан байх болно. Хэрвээ чиний оролт өчүүхэн төдий ч бодит байдалгүй бол эрэл хайгуул чинь талаар болно. Хэрвээ чи үнэний мөн чанарыг мэдэхгүй бол өөрчлөгдөөгүй хэвээр үлдэнэ. Хүний амийн өсөлт ба зан чанар дахь өөрчлөлт нь бүгд бодит байдалд орсноор явагддаг, түүнчлэн нарийвчилсан туршлага руу орсноор явагддаг. Хэрвээ орох үедээ чи олон нарийвчилсан туршлагатай байвал, мөн ихээхэн бодит мэдлэг болон оролттой байвал зан чанар чинь хурдан өөрчлөгдөнө. Одоогоор чи хэрэгжүүлэхдээ тийм ч их гэгээрээгүй байсан ч гэсэн, ядаж ажлын үзэгдлийн талаар гэгээрсэн байх ёстой. Эс бөгөөс чи орох чадваргүй байх бөгөөд эхлээд үнэний мэдлэгтэй болохгүй л бол орох чадваргүй байх болно. Туршлагыг чинь Ариун Сүнс гэгээрүүлсэн үед л чи үнэний талаар илүү гүнзгий ойлголт олж авч, илүү гүн гүнзгий орж чадна. Та нар Бурханы ажлыг мэдэж авах ёстой.

Бурханы үгийн магтан дуу “Махбод дахь Бурхан хүн төрөлхтнийг аврахын тулд чимээгүй ажилладаг” worship

 Бурханы үгийн магтан дуу “Махбод дахь Бурхан хүн төрөлхтнийг аврахын тулд чимээгүй ажилладаг” worship  

Биднийг завхралаас аврах шинэ ажил хийхийн тулд

Бурхан махбод болж, хүмүүсийн дунд нуугдсан.

Тэр тайлбарыг нууцалдаг.

Хийсэн төлөвлөгөөнийхөө дагуу,

Өөрийн ажлыг алхам алхмаар хийдэг.

Өдөр өдрөөр Түүний үг нэмэгдэж байна,

Тайвшруулж, сануулж, зэмлэж бас анхааруулж байна.

Эелдэг зөөлнөөс эхлээд догшин,сүрлэг хүртэл,

Түүний үг энэрэл ба айдсыг шингээж байна.

Түүний хэлдэг бүхэн гүн гүнзгий нууцыг маань илчилдэг.

“Сайн мэдээний элч” киноны клип: Христ бол бие махбодтой болсон Бурхан юм (Монгол хэлээр)

“Сайн мэдээний элч” киноны клип:  Христ бол бие махбодтой болсон Бурхан юм  (Монгол хэлээр)

Сүүлийн хоёр мянган жилийн турш, Эзэнд итгэгчид хэдийгээр Эзэн Есүс бол Христ, Тэр бол бие махбодтой болсон Бурхан гэдгийг мэдэж байсан боловч Бурхан бие махбодтой болох нь үнэндээ юу болох тухай болон бие махбодтой болсон Бурханыг хэрхэн мэдэх ёстой вэ гэдэгтэй холбоотой үнэний нууцыг ойлгож чадаагүй юм. Ийм учраас эцсийн өдрүүдэд Төгс Хүчит Бурхан шүүлтийн ажлаа хийхээр махбод болох үед зарим хүн Түүнийг жирийн л нэг хүн мэт үзэж, Төгс Хүчит Бурханы эцсийн өдрүүдийн ажлыг хүлээн зөвшөөрөхөөс татгалзсан. Ийм маягаар хүмүүс Бурханы эцсийн өдрүүдийн авралыг алдах тун магадлалтай. Бие махбодтой болохын үнэнийг ойлгох нь Эзэний эргэн ирэлтийг угтан авахад шийдвэрлэх чухал гэдэг нь илэрхий юм. 

Христийн чуулганы кино | “Хүү минь, гэртээ буцаад ирээч!” | Бурхан онлайн тоглоомын хүүхдийг аварсан

Ли Шингуан бол ахлах сургуулийн сурагч. Тэр балчир байхаасаа хүмүүжил сайтай, ухаалаг хүү байжээ. Эцэг эх, багш нар нь бүгд түүнд хайртай байв. Дунд ангид орох үедээ хүү компьютер тоглоомыг шохоорхож эхэлсэн байна. Интернет кафед тоглохын тулд тэр олон удаа хичээлээ таслах болжээ. Интернетийн донтолтоос хүүдээ туслахаар эцэг эх нь чадах бүхнээ хийж. Гэвч Ли Шингуаны донтолт улам газар авсаар байлаа. Тэр сүнс сүлдгүй юм шиг болж, аажмаар доройтолд орж эхэлсэн юм.... Ли Шингуаны эцэг эх нь аргаа барж байтал Бурхан хүмүүсийг аварч, интернетийн донтолт, Сатаны ялзруулалтаас салахад туслах чадалтайг олж мэджээ. Ингээд тэд Бурханд итгэхээр шийдэж, Бурхан хүүг нь аврахыг тэсгэлгүй хүлээлээ. 

Чуулгануудад хэлсэн Ариун Сүнсний үг | Хэдий хүн төрөлхтөн ялзруулагдсан ч гэсэн тэд Бурханы дээд эрх дор амьдарсаар байдаг

Сатан хүн төрөлхтнийг хэдэн мянган жилийн турш ялзруулсаар ирсэн. Энэ нь тоолохын аргагүй олон хорон мууг хийсэн, үеэс үед хууран мэхэлсэн ба дэлхий дээр маш жигшүүртэй гэмт хэргийг үйлдсэн. Энэ нь хүнийг хүчирхийлж, хүнийг хуурч, хүнийг Бурханы эсрэг босгосон бөгөөд Бурханы удирдлагын төлөвлөгөөг нурааж, хохирол учруулах хорон муу үйл хэргийг ахин дахин үйлдсэн. Гэсэн ч, Бурханы эрх мэдэл дор бүх зүйл болон амьд амьтад Бурханы тогтоосон хууль, дүрэм журмыг үргэлжлүүлэн баримталдаг. Бурханы эрх мэдэлтэй харьцуулахад Сатаны хорон уг чанар болон эх захгүй явдал нь маш муухай, маш зэвүүн жигшмээр, маш өчүүхэн агаад зэвүүн юм. Хэдийгээр Сатан Бурханы бүтээсэн бүх зүйлийн дунд алхдаг ч, энэ нь Бурханаар тушаагдсан хүн, зүйлс, эд юманд өчүүхэн төдий ч өөрчлөлт гаргаж чадахгүй.

Чуулгануудад хандсан Ариун Сүнсний үг | Чи амилсан хүн мөн үү?

Чи энгийн хүн чанарыг амьдран харуулж, төгс болгуулсан үедээ, хэдийгээр зөгнөл эсвэл ямар нэгэн нууцын тухай ярьж чадахгүй байсан ч гэсэн чи хүний дүр төрхийг амьдран харуулж, илчлэх болно. Бурхан хүнийг бүтээж, үүнийх нь дараа хүн Сатанаар завхруулагдсан ба энэхүү завхрал нь хүмүүсийг үхмэл биес болгосон—тиймээс өөрчлөгдсөнийхөө дараа чи эдгээр үхмэл биеэс өөр байх болно. Хүмүүсийн сүнсэнд амь хайрлаж, тэднийг дахин сэргээдэг зүйл нь Бурханы үгс бөгөөд хүмүүсийн сүнс дахин сэргэх үед тэд эргэн амьдрах болно.