Нэгэн пасторын сүнслэг гэмшил
Кристофер, Филиппин
Миний нэрийг Кристофер гэдэг. Би Филиппин дэх нэгэн гэрийн цуглааны пастор. 1987 онд усан баталгаа хийлгэж Эзэн рүү хандах аз завшаан надад тохиосон юм. Дараа нь, 1996 онд би орон нутгийнхаа чуулганы пастор болсон. Тэр үед Филиппиний олон газар дахь ажил дээрээ нэмээд би бас хилийн чанадад, Хонг Конг, Малайз зэрэг улсуудад номлол хийдэг байв. Ариун Сүнсний удирдамжтайгаар Эзэний төлөө ажиллах барагдашгүй эрч хүчийг би мэдэрч байсан. Ах, эгч нарыг сул дорой, идэвхгүй байх үед нь би байнга дэмжиж байв. Заримдаа тэдний итгэгч биш гэр бүлийнхэн нь надад нөхөрсөг бус ханддаг байсан, миний талаар гомдол хүртэл гаргасан. Гэвч би тэднийг тэсвэрлэн тэвчээртэй хандаж чадсан. Би Эзэнд байнга итгэлтэй байж, тэднийг Эзэн өөрчилж чадна гэдэгт итгэдэг байв. Эзэнд итгэснийхээ дараа би маш их өөрчлөгдсөн мэт надад санагддаг байсан. Гэсэн ч, 2011 оноос эхлээд би Ариун Сүнсний ажлаасаа тийм их эрч хүч авахаа аажмаар больж номлохдоо ч гэсэн шинэ гэгээрүүлэлтэнд хүрэхгүй болов. Би гэм нүгэлтэй амьдарч түүнийгээ таслан зогсоож чадахгүй байлаа. Гэртээ эхнэр, охин хоёр маань миний хүслийн эсрэг зүйл хийсэн үед би биеэ барьж дийлэхгүй тэдэнд үтэр түргэнээр лекц уншиж гарна. Гэхдээ би хожим нь маш их харамссан: Би яагаад тэднийг хайрлахгүй эсвэл тэвчиж чадахгүй байгаа юм бэ? Би яагаад дахин гэм нүгэл үйлдэж чадав? Миний сэтгэл маш их үймрэв. Би их тарчилсан. Гэм нүгэл үйлдэж, гэмшдэг амьдралаас чөлөөлөгдөхийн тулд би загалмайгаа үүрээд өөрийгөө эзэмдэн Библи судлах, мацаг барих, Эзэнд залбирахад илүү их хичээл зүтгэл гаргасан. Би бас эрэлхийлэх, ярилцах олон пасторуудыг олсон ч миний бүх оролдлого ямар ч хэрэггүй байсан, надад дадлага хийх ямар ч арга зам байгаагүй.
